குடல்வெந்து போகாதாய்யா!!

வெள்ளப்பட்டு சந்தையிலே 

வாங்கிவந்த வெள்ளமாடு!

துள்ளித்துள்ளி ஓடுதையா - காளியப்பா!

நாம போகுமிடம் தூரமில்ல - காளியப்பா!!

 

அழகான வெள்ளமாடு

அலுங்காம ஓடுதய்யா!

எம்புட்டுக்கு வாங்கிவந்த - மாரியப்பா!

நானும் ஒன்னு வாங்கப்போறேன் - மாரியப்பா!!

 

 

பேரையூரில் பொறந்தமாடு

பேச்சியம்மா வளர்த்தமாடு!

பேரம்பேசி வாங்கிவந்தேன் - காளியப்பா!

நான்போய் பத்தரைக்கு ஒட்டியாந்தேன் - காளியப்பா!!

 

கமலைய இறைச்சு அங்கே

தண்ணிப்பாச்ச பொழுதாச்சு

வேகமாக ஒட்டிடய்யா - மாரியப்பா

அங்கே பண்ணையாரு காத்திருப்பார் - மாரியப்பா!!

 

 

சித்தநேரம் பொறுத்துக்கோய்யா
சீக்கிரமா போயிடுவோம்!
சிலுக்குப்பட்டி தாண்டிவிட்டோம் - காளியப்பா
இன்னும் நாளுகல்லு தூரந்தாய்யா - காளியப்பா!!

என்னைய நீ விட்டுபுட்டு
எந்த ஊரு போகப்போற
திரும்பிவரும் நேரத்தில - மாரியப்பா
என்னைய கூட்டிகிட்டு போறியா நீ - மாரியப்பா!!

 

ஆனைமலை பக்கத்திலே
அயித்த வீடு ஒன்னிருக்கு
அங்கேதான் போகப்போறேன்  - காளியப்பா
நானும் வெரசாக வந்துடுறேன் - காளியப்பா!!

வாழைத்தோப்பு பக்கத்துல
வளமான தென்னந்தோப்பு
அங்கே என்ன இறக்கிவிடு - மாரியப்பா!
நீ திரும்பையில இங்கிருப்பேன் - மாரியப்பா!!

=============================================================

 

 

பண்ணையாரு தோட்டத்திலே
தண்ணிபாச்சி முடிச்சிட்டியா
நேரம் கொஞ்சம் கடந்து போச்சி - காளியப்பா
நீயும் ரொம்பநேரம் நிக்கிறியா - காளியப்பா!!

மின்சாரம் இல்லையின்னு
கமலையிறைக்க வந்தேனய்யா
இருநூறு கமலையப்பா - மாரியப்பா
ஏற்றத்தில இறச்சிவந்தேன் - மாரியப்பா!!

 

ஏற்றமிறச்ச களைப்புனக்கு
ஏகமாக தானிருக்கும்
கொஞ்சநேரம் படுத்துக்கோ நீ - காளியப்பா
கண்ணசர தூக்கம்போடு - காளியப்பா!!

கைகாலு வலிக்குதய்யா
கெண்டக்காலு நோகுதய்யா
வலிபோக மருந்திருக்கு - மாரியப்பா
அதுக்கு கல்லிகுடி போகவேணும் - மாரியப்பா!!

 

 

ஏதேனும் வைத்தியரா
ஆங்கிலத்து மருத்துவரா
கல்லிகுடி ஊரு போனா - காளியப்பா
களைப்பெல்லாம் போய்விடுமா?? - காளியப்பா!!

தொட்டதுமே விறுவிறுக்கும்
குடிச்சதுமே தலைக்கேறும்
அமுதமான கள்ளச்சாராயம் - மாரியப்பா
குடம்குடமா கிடைக்குதய்யா - மாரியப்பா!!

===========================================================
 

 

அய்யய்யோ அலங்காரி
பாலமேட்டு மகமாயி
இந்த வார்த்த கேட்டிடவா - காளியப்பா
உன்கூட நானும் வந்தேன் - காளியப்பா!!

என்ன நானும் சொல்லிபுட்டேன்
ஏனிப்போ சிலுத்துக்கிற
உள்ளதத்தான் நானும் சொன்னேன் - மாரியப்பா
கள்ளசரக்கு மனக்குமய்யா - மாரியப்பா!!
 

 

நாளெல்லாம் உழைச்சாலும்
நாம்காணும் வெள்ளிப்பணம்
குடிச்சே அழிக்கனுமா  - காளியப்பா
குடல்வெந்து போகாதாய்யா - காளியப்பா!!

உன்வீட்ட நல்லாப்பாரு
ஒடுகூட உடைஞ்சிருக்கு
நல்லவீடு கட்டிக்கொள்ளு - காளியப்பா
நாலுபேரு மதிக்க வாழு - காளியப்பா!!

 

 

உன்னநம்பி பொறந்ததய்யா
உன்குலத்து செல்வமெல்லாம்
கொஞ்சமேனும் சேர்த்துவையு - காளியப்பா
ஓட்டாண்டியா ஆகிடாதே - காளியப்பா!!

தினந்தினம் செய்தியெல்லாம்
கொத்துகொத்தா வருவதை நீ
பார்த்து நீயும் திருந்திவிடு - காளியப்பா
இன்றே பக்குவமா மாறிவிடு - காளியப்பா!!

குடல் அழுகிப் போகுமய்யா
கண்ணும் கெட்டுப் போகுமய்யா
உன் பிள்ளைகளா நினைச்சிப்பாரு - காளியப்பா
உன்குணத்த மாத்திக்கோ நீ - காளியப்பா!!

=======================================================

 

 

ராசமேளம் கேட்டிருச்சி
கூரைச்சேவல் கூவிருச்சு
என்புத்திய நீயும்தானே - மாரியப்பா
செருப்பால அடிச்சிபுட்ட - மாரியப்பா!!

ராக்காயி கோவிலிலே
கொழுந்துவிட்டு எரியுமந்த
விளக்குமேல சத்தியமா - மாரியப்பா
குடிக்கிறதா நிறுத்திடுறேன் - மாரியப்பா!!

அப்படிச் சொல்லுமய்யா
கேட்கும்போதே இனிக்குதய்யா
உன்கூட குடிச்சவர - காளியப்பா
புத்திசொல்லி திருத்திவிடு - காளியப்பா!!



அன்பன்
மகேந்திரன்