Tuesday, 26 April 2011

புதிய பூமி படைத்திடு!



இளைஞனே இன்னபிற
         இன்னல்கள் இருந்தாலும்
இடைவிடா முயற்சியுடன்
        தடையிலா நடைபோடு!

மூங்கில் எனும் முடைக்குள்
        வடிவில்லா காற்று
மூச்சுமுட்ட நுழைந்தாலும்
        முன்னூறு ராகங்களே! முடிவில்!

காலங்காலமாய் கடுந்தவம்
        புரிந்து- கடையுலகம் காணவரும்
கடுகளவு துளி நீர்த்துளிதான்
        சிப்பிக்குள் முத்தாகும்!

சிந்தனையை சீர் செய்!
         சிறுமதி கைவிடு
புதுமையை புகுத்தி
          புதிய பூமி படைத்திடு!                                       

  

அன்பன்  
ப.மகேந்திரன்

No comments:

Post a Comment